Aizawl: District Hospital, Champhai-a Doctors Lounge-ah Ningani khan Er. H. Ginzalala, MLA, Champhai North, Advisor to CM (Technical) ni bawk chuan CT Scan khawl thar a hawng.
Er. H. Ginzalala chuan hmasawnna thar chu Champhai mipui chauh ni lo, a chhehvel mipuite tana chhawpchhuah a ni ta chu lawmawm a tih thu a sawi a. CT Scan khawl bun a nih theihna tura tha thawh zawng zawngte an hriat reng thu a sawi a, sorkar kal tawhte leh bialtu MLA lo ni tawhte hnathawh an chhunzawma hman theiha peih fel a ni ta chu district tana hmasawnna nasa tak a nih thu a sawi.
Dr. Zatluanga, Medical Superintendent, District Hospital Champhain inkhawl kaihruaiin Champhai leh a chhehvel mipuite tana he khawl pawimawh tak bun fel a ni ta hi a lawmawm a tih thu sawiin damlo ten phai leh Aizawl thleng kher lova an ti thei tur chu hmasawnna a nih thu a tarlang.
Hawnnaah hian Champhai district-a tlawmngai pawl aiawhte, sorkar official-te leh damdawi in thawktute an tel a ni.