Aizawl: Aizawl DC Pisapui Hall-ah July 1, 2026-a hman tan, Viksit Bharat: Guarantee for Rozgar & Ajeevika Mission (Gramin) [VB-G RAMG] Orientation leh Sensitization programme buatsaih a ni.
Aizawl Deputy Comissioner Er. Lalhriatpuia, IAS kaihhruai meeting-ah hian MGNREGA atanga VB GRAMG ni ta chungchang inhrilhfiah hun hman niin ram changkang zinga India inhlankai tuma a hmalakna, Vikshit Bharat @2027 peng pakhat a ni a. VB-GRAMG thil tum pawimawh tak chu kum khat chhungin chhungkaw khat tan ni 125 hna thawh tur duan te, kum tin buh thar leh seng hunah chawlhkar riat (ni 60) chhung chawlh hun siam te, department hrang hrang hmalaknate chu kalpui kawp te leh sirkar laipuiin 90% leh state sorkarin 10% intum sem tur te hi a ni.
VB-GRAMG hi Nilaini atangin hman tan a ni a. State level atanga village level thleng orientation leh public outreach neih mek zel a ni a. Mizoramah pawh inbuatsaihna kalpui tan mek a ni.
Meeting-ah hian Lalnundika, Project Director, DRDO, Aizawl District chuan presentation pein VB-GRAMG hnuaia permissible work leh category hrang hrangte sawi ho a ni a. Line department-te chu lo zirchianga an department atanga proposal leh mamawhte July, 2026 chhunga Project Director hnena thehlut tura tih an ni.
Meeting-ah hian line department-te an tel kim hle.