Brazil nena friendly match an khelh tur leh FIFA ASEAN Cup a inrual dawn avangin Indian mipa football team chu inhnukdawk mai thei anga tar lan a nih hnuah All India Football Federation (AIFF) chuan a pahnihin an tel dawn tih an nemnghet.
A hmain heng inkhelte hi a inrual avang leh FIFA-in ASEAN Cup-a India team dang khelhtir a phalsak loh avangin an inhnukdawk mai thei tih tar lan a ni a. Ningania AIFF Executive Committee chuan tel turin an rel a ni.
Executive Committee chuan ram leh ram inkhelh hun chhunga Brazil nena inkhelh tur chu khawvela football thiam ram hmatawngte laka Indian player-ten tawnhriat an neih theihna hun tha takah an ngai a ni.
AIFF chuan inelna pahnihah hian an tel dawn tih FIFA a hriattir dawn a, Brazil nena an khelh tur leh FIFA ASEAN Cup khel turin team hrang thlan an ni dawn a ni.