Aizawl: BJP Mizoram State Office Mipui Run, Upper Republic-ah Thawhtanni khan kar thar inhlanna leh political session neih a ni a. He hunah hian State Executive Member Lalhmingthanga chuan thu sawiin, Mizoram hmasawnna leh thalaite hma lam hun êng atana central sorkar tha chakna leh malsawmna ring tura tel ve turin mipuite a sawm.
Lalhmingthanga chuan sorkar kal ta leh tun a mi te enkawlna hnuaiah thalai tam tak an beidawng mek nia sawiin, Kristian tak chunga BJP pawm theih a nih thu leh central malsawmna tak tak dawng tura BJP thlawp a tul thu a sawi a. Centrally Sponsored Scheme (CSS) hnuaia hnathawktute hlawh K-Deposit sak thin leh harsatna tawh thinte chu BJP sorkarna hnuaiah chuan a thleng ve dawn lo tiin, central hmalakna a nih avangin belh tur dik hriat a pawimawh tawh a ni, a ti.
Ei leh bara intodelh tur leh thingtlang kuthnathawktute dinhmun chawikan nan kuthnathawktute ngai pawimawhtu BJP kaihhruai sorkar thlawp chu hmasawnna tak tak thlentu tur a nih thu a sawi bawk.