Bollywood lemchan thiam, hmeltha leh mite duh rawn ber pawl ni mek Sonakshi Sinha chuan tun hnai khan an kawmna pakhatah a pa avanga film industry luhchilh a nih loh thu a sawi.
Sinha chuan ka pa chu Shatrughan Sinha a ni ngei mai, bollywood lamah pawh a mikhual lo hle. Mahse, ka pa avanga luhchilh ve ka ni ngai lo a, ka pa hian luhchilh turin min hrilh ngai lo, a ti.
Ka pa chuan kan duhna line a kal a, hlawhtling tlaka thawk turin min hrilh thin. Film industry lam hi a sawi tel ngai lo, mi tam takin ka pa avanga hetiang dinhmun thleng anga min sawina hi thu puarpawleng mai mai a ni, a ti bawk.
Ka pa hian engahmah min nawr lui ngai lo a, kan thiltihna apiangah erawh chuan theihtawp chhuah turin min fuih thin, mahni inrintawkna nei turin min fuih fo a, film industry ka luhchilh ve ang tih rinna pawh hi ka nei ngai lo, ka pa chuan heti lam hi min sawipui ngai lo hrim hrim, a ti a ni.