Nigeria-a sipaite chuan hmarthlang lam, Zamfara state-a an zin lai ralthuam kengten an ruk bo mi 33-te him takin an chhan chhuak tih an sawi.
Sipaite hian Inrinni chawhnua Tsafe-a inruk bona a thleng tih an hriat veleh police nen rang takin an che chhuak nghal tih an sawi.
Ru botuten khawi hmun nge hriat lohva kalpui an tum lai chu nangchingin an kah hnuah ram hnuaiah an tlanchhe zui ta niin an sawi.
Nigeria hmarthlang lamah hian tlanna sum duh avangin mi sualten mi ruk bo an ching hle a, khawpui liana kalte an bei nasa zual.
Nigerian sipai thupuangtu, Lt-Col Aliyu Danja chuan an nanchin lai hian an mi ruk bote nen an awm khawm lai a ni em tih an chiang ngam lo va, an hnu chhuiin an um zui nghal mek tih a sawi.
“Sipaite hian awmze nei takin an silai an hmet puak a, loh theih lohvin an mi ruk bote kalsana ramhnuai lama bibo tura an tlanchhiah a ngai a ni,” a ti a. Ruk bote hian hliam engmah an nei lo tih a sawi bawk.
Danja chuan heng laia chengte hi bengchhia thil pawimawh hriat an neih chuan venhim hna thawktute hrilh thuai turin a chah.
Nigeria-a venhim hna thawktute hian tun hnaiah ruk bo chhanchhuahah hlawhtlinna an chang fo.
Ningani khan an president chuan mi 300 chuang ruk bote an chhanchhuak tih a sawi a. Heng mite zinga 163 chu February-a Kwara state-a Woro leh Nuku hnam ruk bote an ni a. Mi 145 dangte chu Niger state-a mite an ni.
A hmain Oyo state-a sikul luhchilhnaa zirlai leh zirtirtu 44-te ruk bo an nih hnu ni 50 chuangah chhanchhuah an lo ni tawh bawk.