Covid-19 hri lengin khawvel min tibuai a, inkharkhip leh inkhung ngaiin kan awm a, kan nunphung zawng zawng a danglam a, nunna hial chan pawh an awm nual a nih kha.
Hri leng a reh deuh a, invenna hrang hrangte kan la a, kan nun a zalen chho leh tan hle. Kan ramchhungah ngei pawh hrivei leh kai awm lovin nun nuam tak kan hmang chho a, mahse he hri hi a la reh hauh lo ania.
Kumin chhung ringawtah pawh he hri vei hi mi 126 an awm leh tawh a, August thla chhung ringawt pawh hian mi 26 in an vei tih hriatchhuah leh a ni tawh.
Ruahtui tlak duh hun lai, hri leng hrang hrang tam duh hun lai a ni a, hetih lai hun vek hi he covid hri leng pawh a darh hun lai a ni tih a hriat theih a, mitin kan fimkhur a, invenna hrang hrang kan hriatsate hmanga kan fimkhur thar leh a ngai hle.
A enkawltu lam leh hriselna lama thawktu tam zawk an la mangang reng a, hri leng hi reh fel a la nih loh avangin mitin fimkhur thar lehzual ila, covid hneh thei turin kan hriatsa invennate hmang uar lehzual ila, in test lem lova vei ru reng thei kan nih vek avangin mitin i fimkhur thar leh theuh teh ang u.