Aizawl: Vathuampui leh a chhehvel khuaa Airtel signal (network) chhe lutuk chungchangah thuneituten hma an lak loh avangin Pang Zirlai Pawl (PZP) General Headquarters chuan Vathuampuia Airtel Tower chu an ‘off’-sak a, ni thum chhunga siam tha tura hun pein, siam that a nih loh chuan a chheh vela Airtel tower awm zawng zawng tihchhiat vek an tum.
PZP chuan thuchhuah siamin Mizoram sorkar leh Airtel hotute hnenah lehkha hmang leh hmaichhanah vawi tam tak ngenna an lo thlen fo tawh thu an tar lang a. Tun thlenga hmalakna a awm tak loh avanga pawi an tih thu leh, hei hi Vathuampui leh a chhehvel mipuite hmuhsitna leh tham lohnaa an ngai a ni.
Signal chhia avang hian zirlaiten zirna kawngah harsatna lian tak an tawk a, mipui nunphung a tibuai bakah ‘VB G Ram G’ thlalak thlengin mipuite an tuar avangin rang taka hma la tura phut an nih thu leh, a tawp thlengin hma an la zui zel dawn tih PZP chuan an tar lang bawk.