Brazilian club São Paulo chu Jamie Vardy duhtu zingah an tel a, English striker hi an be tawh niin journalist rintlak, Fabrizio Romano chuan a tar lang.
Kum 39 mi hian 2024-25 season-a Premier League atanga Leicester City an tlak khan a chhuak a, Serie A-ah Cremonese a pan.
Season liam ta khan vawi 29 khelin goal sarih a thun a, upa deuh tawh mah se a la rintlak hle.
Season hmasa tawp rual khan a contract zovin free agent a ni mek a. Club tam takin an la iai lo va, a thlawna an lak theih dawn bawk avangin duhtu a ngah.
Premier League atanga tla West Ham United pawhin Foxes striker hlui hi an duh a, nglish football-a tawnhriat ngah a nihna chu kaisanpui leh turin an duh.
Vardy hian Leicester tan Premier League-ah goal 143 a thun a, goal khung tam lamah 14-na niin league nomawi leh FA Cup a lakpui bawk.