Arsenal chuan nipui bazar inhawn chhungin Juventus atanga Kenan Yildiz chu lak luh dan kawng an ngaihven mek a. Mikel Arteta chuan Champions League leh Premier League-a beihpui thlak nan squad thawm chhah a la tum hle.
Arteta chuan hmatawng vei lam siam that chu thil pawimawh hmasa berah a lo dah tawh thin a, Real Madrid atanga Vinicius Jr lak luh tumin an bei nasa a; mahse, Brazilian tlangvalin Bernabeu-a cham chhunzawm a thlan tak avangin Arsenal hian an dinhmun an ngaihtuah tha a, player dangte pawh lak theih a nih theih nan January emaw, kum thar nipui thlenga nghah emaw pawh an ngaihtuah deuh a ni.
Inhliam lo se chuan Arsenal hian Junior Kroupi lak tumin Bournemouth an dawr ngei a rinawm a, hei hi January thla atana an duh thlan theih pakhat a la ni.
Chuti chung chuan Yildiz hi an player duh berte zingah a la tel reng a, Arteta hian Turkish player hi a awt hle a. Ezri Konsa leh Bruno Guimaraes te ang player puitling tawh pahnih an lak luh hnuah kum 21 mi lamah an mit an len mek a, player la thang chho thei thalai zawk lak luh an tum a ni.
Arsenal thuneitute chuan player chhuak an awm belh an duh a, Juventus erawh chu an player la naupang tak hralh kawngah hian an khauh hle thung ang.
Anni hian £ maktaduai 60 aia tam an phut ngei a rinawm bakah fan-te lungawi lohna an ngaihtuah tel a ngai dawn a. Harsatna chin fel theihna pakhat an sawi chhuah chu Gabriel Martinelli nen inthleng theihna a ni a, chutiang tur pawh chuan inbiakna hautak deuh kalpui a la ngai ang.
Junior Kroupi dinhmun ang bawkin bazar hun lo la awm tur thlenga nghah erawh an ngaihtuah tel tho a ni.
Julian Alvarez hma lam hun pawhin hei hi a nghawng bawk a. Argentine hi Vinicius-a hnuah Arsenal-in an duh ber a ni a; mahse, Spain-a cham chhunzawm leh Barcelona pan a duh thu an sawi lan takah khan lak an duhna a dai ta a ni.
Atletico Madrid-in tun dinhmunah Barcelona chu engti kawng maha dawr an duh miah loh avangin bazar hun inkhar a hnaih tial tial rual hian Arsenal tan hun tha a inhawng thei tih beiseina a awm a ni.