France-ah June 19 hnu lamah tuia tla hlum mi 301 an awm niin minister-in a sawi a, heti taka nikum aia thi an tam ta hi khaw lum lutuk leh rei lutuk nen a inkaihhnawih ngei niin a sawi.
Sports & Youth Minister Marina Ferrari-i chuan France Inter radio hnenah kum 2025-a thi zat aiin 14%-in an tam zawk a, ‘a tam lutuk a ni’ tih a sawi.
France, Spain leh Italy te chu khaw lum uchuak takin tualin ram nasa tak avangin hectare sang tel ramngaw tha a chhiat phah.
Ferrari-i chuan a lum lutuk avangin miin tui an cheng nasa niin an sawi a, “Thihna thlenna hmun tam tak hi chen phal lohna leh hleuh phal lohna hmun a ni,” a ti a. Tui awmna hmun pangngai tawp leh tui kawngte a ni hlawm tih a sawi.
Ferrari-i chuan sorkar chu ram bial thuneitute nen ‘tui chenna hmun atana him lo venna uluk tur leh mi an him zawk theihna turin’ an thawkho mek tih a sawi.
Zirtawpnia radio-in an kawmnaah hian ‘thi tam tak, a bikin upa deuhte chu anmahni ina tui chenna hmuna thi’ an nih hlawm thu a sawi bawk.
Minister chuan khua a lum em em ni-ah tui vawtin taksa a tawh chiahin taksaah harsatna a thleng thei tih a sawi a, mi thenkhat chu ‘an taksain a zawk tawk aia nasain an chengin tui an hleuh nasa thin’ niin a sawi bawk.
June thlaa khua a lum vang laikhan mi tam tak chuan intihdaih nan a him leh him loh pawh ngaihtuah hmasa lovin lui leh tuikawng an pan nasa niin Ferrari-i chuan a sawi.
Sik leh sa inthlak nasain khawvel pumah khua a tilum chak em em a, Europe khawmualpui phei chu a lum chakna ber hmun a ni.
Europe-ah hian khawvel pum lum chak zawng chawhrual aia a let hnih vel zetin a lum chak niin Copernicus climate service chuan a sawi a ni.