Pathianni, August 23 zan khan Miss Universe India thlanna neih chu a hmawrbawk niin, contestants 52 inlan zingah Keziah Liz Mejo chu crown khum tura thlan a ni.
Grand finale hi Jaipur-ah neih niin, Miss Universe India atan Kaziah Liz Mejo chu thlan niin, ani hian 75th Miss Universe thlanna November thlaa Puerto Rico-a neih turah India ai a awh dawn a ni.
Kerala state aiawha tel, Miss Universe India hi kum 19 mi niin, Law zirlai a ni a, nikum (2025) khan Miss Teen International-ah India aiawha telin, crown a lo khum haw tawh bawk.
Amah hi model niin, contestant te tluk rualin a chetha hle a, endktute mit a tlungin, Miss Universe India lukhum khum tur hian tute pawh a hmin hneh a ni ber.
Miss Universe India-ah hian 1st runner up leh Miss International India 2026 chu Tamil Nadu nula Vaishnavi Gannesh niin, Gujarat nula Anushri Satavlekar chu 2nd runner up a ni bawk.
Kumin finale-ah hian India nula zinga Miss Universe ni hmasa ber Sushmita Sen (1994) chu endiktute zinga an hotu ber a ni a, Miss Universe India, 2001 Celina Jaitly leh Miss Universe India, 2015 Urshavi Rautela te bakah Miss Universe India, 2024 Rhea Singh bakah tawnhriat nei tak tak dang endik turin an thu a ni.