Aizawl: MUHCS 2.0 atan sorkar hnathawk nghette hlawh cut-sak tlingkhawm chu Rs nuai 541 a tling tawh.
Ningania Assembly session-a Serlui bialtu MLA Lalrinsanga Ralte zawhna Health Minister Lalrinpuii’n ziaka a chhannaa tar lan a nih danin, MUHCS 2.0 atan August ni 17, 2026 thleng khan sorkar hnathawk nghet te hlawh cut sak tawh zat chu Rs nuai 541 a ni a, provisional employees-te hlawh pawh August ni 17, 2026 thleng khan Rs 29,30,000 cut sak tawh a ni a, CSS hnuaia thawkte chu MUHCS 2.0-ah an hlawh cut sak an ni ve lo thung.
Health Minister chuan, MUHCS 2.0 hnuaia registration tih theihnaah hian semi-cabin thlan theih turin awm mah se, MUHCS zawmtu sorkar leh private hospital zawng zawngte hian semi-cabin an nei vek kher lo tih a tar lang bawk.