Aizawl Traffic Police te chuan kumin May thla tawp lam atang khan Aizawl khawpui chhung hmun hrang hrangah special drive nei thinin, August thla thleng khan dan bawhchhia mi 641 an man tawh.
Traffic Police te hian hetia special drive an nei thin hi a lawmawm a, mi tam tak tawmim phahna a ni chiang tih a hriat a, tin dan dik lova lirthei khalchhuah a veng hle bawk.
Kan traffic police te hi an hah a, a chang chuan zan lamah an duty a, zanreia thawm bengchheng chhuah thin thlengin an vai a, hei ringawt pawh hi lawmawm tak a ni.
Mihring hi kan inang lo khawp mai a, midangte tana harsatna siam hreh lo hi kan lo tam khawp mai tih a hriat a, thawm bengchheng siam chu sawi loh, dan dik lova lirthei khalh kan tam thin hle tih duty te chuan an sawi a, a tul angin hma la zel mawlh teh se.
Tuna special drive an neih thin pawh hi na zawk leh khauh zawkin chhunzawm zel se la, dan bawhchhiate hi dim lo takin chawitir reng bawk se, kan khawpui chu nunau leh tar chak lo zawkte tan pawha awmna tlaka ralmuang a nih zel theih nan traffic police te tang zel mawlh rawh se.