St. Louis-a a zai zawh hnu lawkah Lionel Richie chu damdawi in panpui niin, ICU a enkawl mek a ni.
Kum 77 mi hi August 29 khan St. Louise-ah hian perform in, hemi hnu hian damdawi in lamah hruai nghal a ni a, ICU ah dah luh nghal a ni.
Richie hian Earth, Wind & Fire nen ‘Sing a Song All Night Long tour’ an nei mek a, zirtawpni hi The Muny-a a zai leh hun tur niin, September 26 ah hian San Francisco-ah a inlan leh dawn bawk. Hetiang hi a dinhmun a nih rih avangin a programme bik hi a tithei dawn em tih a hriat loh a, a thupuangtu chuan doctor te thurawn ang anga a awm mai tur thu a sawi.
Grammy Award dawng tawh zaithiam hian June 24 a concert neih tur chu a damlohna avangin a lo titawp lailawk tawh bawk a, American Idol judge hna pawh nuamsam lo chungin a lo luah chho hram hram a, inenkawlna tha dawng turin damdawi in lam a bel mek nia tarlan a ni.