Swachh Bharat Mission 2.0 hnuaia Mizoram puma school fai leh thianghlim inelna ‘Mizoram Green Schools League’ chu UD&PA Minister K. Sapdanga’n Thawhlehni khan UD&PA Auditorium, MINECO-ah khuallian niin a tlangzarh.
K. Sapdanga chuan he inelna hian sum fai lawmman a ken tel bakah zirlai naupangte thinlunga fai duhna tuh nghet a, chhuan thar lo awm zelte tana ram fai leh thianghlim hnutchhiah a tum thu a sawi.
Khual zahawm Education Minister Dr. Vanlalthlana pawhin Mizoram thalaite faina kawnga an thangharh mek chu fakawm a tih thu sawiin, rel a luh hnu thleng pawha khualzinte entawn tura faina chhawm nun zel a pawimawh thu leh zirtirtute chu entawntlak taka awm turin a chah.
Mizoram Green Schools League hi block, district leh state level-a kalpui a ni dawn a. Inelna hi October 12 atanga December 18, 2026 thleng awh tura ruahman a ni a. He hmalakna hian bawlhhlawh thliar hran zirtir, vawi khat hman plastic khap leh zirlaite nuna faina tuh a tum a ni.
State Level-a lawmman pakhatna hian Rs 1,00,000, pahnihna hian Rs 70,000 leh pathumna hian Rs 50,000 a kengtel a. District Level-a pakhatna hian Rs 10,000, pahnihna hian Rs 7,000 leh pathumna hian Rs 5,000 a kengtel bawk a ni.
Block level-a school titha panga thlanchhuahte hi District Level-ah endik leh an ni ang a. District Level-ah hian a thazual pathum thlanchhuah an ni leh ang a. State Level-a inel turin district tin atangin a titha ber an tel dawn a ni.