Aizawl: Saitual Police-in Morphine kg 5 chuang an man.
Inrinni tlai dar 4 vel khan Saitual Police chuan Kualmawi, Keifang-ah Bolero (White) Regn. No. MZ 01 T 7877, Manipur atanga Aizawl pan chu endikin, he lirthei footboard chhunga thuhruk, Morphine ni ngei a hriat kg 5.025, Rs vbc 5.02 hu an man.
He ruihhlo phurhna lirthei khalhtu leh ruihhlo neitu a puh Lamminthuama Gangte (42), |huampui Kumtluang Veng, Aizawl nia inchhal chu man nghal a ni a, ND&PS Act hnuaiah thubuai siamsak a ni.
Ruihhlo bakah hian a phurhna lirthei Bolero pakhat, mobile handset pahnih leh pawisa fai Rs. 60,000 man tel a ni bawk.
Inrinni khan Excise & Narcotics Department, Mamit chuan Mamit khawpui leh North Sabual ramhnuaiah ruihhlo do kawngah beihpui thlakna kal zelah, North Sabual ramhnuaiah hmun thumah zu siamna hmun zem 12 an ti chhia a, zu thlawrtute erawh an insaseng hman a ni.
END Mamit hian zu thlawrna bel zet khat, zu bilhlai tin 300 leh ganja gram 35 an man a ni.
Zan lamah Mamit khawchhungah heroin gram 7.56 polythene a fun leh a neitu – Vanlalrawnkima (32) S/o V.Lalbiaktlinga, High School Veng chu a heroin kawllai nen hian man a ni. Vanlalrawnkima hi kum 2018 leh 2019 khan heroin vang bawka man a lo ni tawh a ni.