Kum 15 hnuah My Chemical Romance (MCR) chu album thar nen rawn let turin an inruahman mek a, recording an timek niin an sawi.
An lead singer Gerard Way chuan an band member – Ray Toro, Frank lero leh Mikey Way nen kokim taka lo let turin kan inbuatsaih mek a ti a, recording tha tak an neih ho theih thu a sawi bawk.
Way chuan hla tam zawk siam thei turin inpawh takin kan rawn kirho leh thei a, recording pawh nuam kan ti a, fans te nghahhlelh ang bawkin keini pawhin kan nghakhlel. Kan chawlh chhung a rei ta, inhmuh tum thuai ang u, tiin an album thar tur chungchang chu a sawi a ni.
MCR hian an album an tihchhuah hnuhnung ber chu kum 15 kalta kha niin, hemi hnu hian thawm an nei lo vang vang a, tunah chuan inpawhna thar leh tha zawk nen an band te pawh an indin chho leh mek a ni.
October 21, 23 leh 24 hian Los Angeles lamah show neih an tum a, hemi hnu hian South Korea, Singapore, Philippines, Thailand, Malaysia leh Indonesia lamah tour an neih chhunzawm dawn a, November 22 ah zawh hman an tum a ni.