Aizawl: Thawhlehni zan khan India International Centre, Conference Room-2, New Delhi-ah Mizoram Chief Minister hlui Lal Thanhawla chanchin ziakna lehkhabu ‘LAL THANHAWLA’ tih chu tlangzarh a ni.
He lehkhabu ziaktu hi Journalist hriat hlawh tak, The New York Times-a South Asia correspondent lo ni tawh leh tun hnaia Commonwealth Human Rights Initiative (CHRI), New Delhi-a International Director ni mek Sanjoy Hazarika a ni.
Lehkhabu tlangzarhnaah hian lehkhabu ziaktu Sanjoy Hazarika bakah Jawaharlal Nehru University (JNU) Professor Joy LK Pachuau leh IIT Roorkee Associate Professor Roluahpuia te’n thu an sawi.