Bruno Guimaraes-a’n Premier League-a jersey number hriat hlawh ber pawl ha chungin Arsenal a zawm a. Brazilian midfielder hian a club khelhna hrang hrangah No. 39 a ha thin a, hei hi a piancham vang te, a player ngaihsan ber vang te emaw, a vanneihna number emaw a nih vang te a ni lo va, a pa taxi atanga thlang a ni zawk.
Guimaraes hi Rio de Janeiro-a sei lian a ni a, a fapain football-a eizawnna a um chhungin a pa, Dick-a chuan an chhungkaw chawm nan taxi a khalh thin a. Rio de Janeiro-a taxi dispatch number chu 039 a ni.
“Ei tur ka hmuh theih nan ka pa khan taxi eng chu chhun leh zanin a khalh thin a. Ka tan chuan 39 hi a danglam bik a, awmze thuk tak a nei. Number 39 hian ka nuna ka mamawh engkim min pe a ni,” tiin a sawi.
Taxi atanga sum an hmuh thin chu naupang tê a nih laia footballer ni tura thui tak tak a zin a ngaihnaa a senso tumtu a ni tih a hrilh fiah a. Number 39 chuan a tan hna a thawk a ni tiin Guimaraes chuan a sawi.
“Min chawm a, silhfen min tumsak a, ka suangtuahna um tura darkar thum bus-a ka chuan mante min tumsak thin,” a ti.
Chu number chuan Guimaraes chu football a khelh chhung zawngin a zui ta a ni.
Brazil-a Athletico Paranaense-ah No. 39 a ha a, kum 2020-a Lyon a zawm hnuah pawh a hak chhunzawm a. January, 2022-a Newcastle United-in Premier League-a an lak luh pawh khan a thlang leh bawk.
Arsenal chuan kum 28 mi hi Newcastle atangin £ maktaduai 75 sengin nipui bazar lai khan an lei a, London khawpuiah a number duh ber chu a chang zui leh thei a ni.
Premier League midfielder rintlak leh tha ber pawl an nei thar a, Guimaraes-a tan chuan Rio atanga a zin kawng intanah pen pawimawh tak a ni leh a ni a. A zin kawng chuan khawiah pawh hruai se 39 hi chu squad number satliah aia thuk zawk a ni reng a. Tun dinhmuna a din theih nana puitu number pawimawh a ni.
Senior team-a a hun hman zawng zawngah Guimaraes hian number dang zawng aiin number 39 hi a duh tih a tilang chiang hle a ni.
Jersey number vawi 16 a hak tawh atangin vawi 12 ngawt 39 hi a ha a, 2016-17 season chhung khan Athletico Paranaense-ah a hmang tan a, a theih chin chinah a thlang chhunzawm zel a ni.
Lyon a thlen tirh khan No. 39 a ha hmasa a, hemi hnuah hian No. 6 a ha a, a hnu lehah No. 39 bawk a ha leh a, a hnuah sarihah a insawn leh a. A kum lehah chuan No. 39-ah bawk a let leh ta a ni.
Amaherawhchu, season laklawhah vawi hnih chu No. 39 atangin No. 16-ah a thlak tawh a, heng vawi hnihte hi Athletico Paranaense-a a awm laiin a ni a. Newcastle-ah pawh khan 2021-22 season-a a luh tirhah chauh khan No. 16 chu hman niin No. 39 tho hi a ha a ni.
Arsenal a zawm felah No. 39 jersey chu a awl remchang leh zel a, season liam taah khan Harrison Dudziak-a’n a ha hnuhnung ber a ni.
Hemi hma hian 2014-15 season-ah khan Hector Bellerin-a’n a ha a, Zak Ansah, Francis Coquelin, Rui Fonte, Mark Howard (GK) leh Sebastian Larsson te pawhin he number hi a hmain an lo ha ve tawh bawk a ni.