Bollywood lemchan thiam Aamir Khan chu kum 9 hnuah Japan cinema lamah a film chhuah leh a ni dawn a, kum 2025-a a film siam Sitaare Zameen Par tih chu kum 2027 a tihchhuah tura ruahman mek a ni.
Kum 2018 khan a film tho ‘Dangal’ tih chu Japan-ah hian tihchhuah ni tawhin, hemi hnu hian nikuma a tihchhuah tak Sitaare Zameen Par hi tichhuak turin inbiakna an nei leh ta a ni.
Japanese distributor Geek Pictures chuan September 25 khan Aamir Khan nen inremna an neih thu hi an sawi a, Japan ram hmun hrang hranga theater-ah Sitaare Zameen Par hi tihchhuah tur niin, Khan nena inremna an nei thei chu an lawm thu an sawi.
Sitaare Zameen Par hi R.S. Prasanna direct niin, Aamir Khan bakah, Genelia Deshmukh, Gurpal Singh, Dolly Ahluwalia leh Brijendra Kala te an chang a, a tumkhat nan he film-ah hian rualbanlo 10 an tel bawk a ni.
Sitaare Zameen Par hian khawvel pumah tlangzarh a nih atangin Rs 267.52 crore a lalut tawh a, India atangin Rs 200.77 crore lalutin, ram pawn atangin Rs 66.75 crore a lalut bawk.