Nepal-a a tui lianin chenna in, lei leh hydropower station a tichhia tih thuneituten an sawi.
An ram laili, Gorka district-a Budhi Gandaki River kamah thuneituten ram dang mi pakua nen mi 95 an chhan chhuak tih sipaiten an sawi a. Thi an awm an hre lo va, mi panga erawh an chin an la hre lo.
Video darh pakhatah chuan tui lian chak takin lui kam hrul a chim buan buan leh a vela in dingte a la lai a lang.
Nepal hi thla hnih lek liam taa Tibet nen an inrina hrula sabereka khuangkaih thawk avanga mi 1,400 chuang an thihna leh mi sang tel chin an la hriat lohna hmun a ni.
Pathiannia tui lian hi Gorkha district-a thleng niin naupang leh khawtlangin Nepali calendar-a hun pawimawh tak, Dashain kût ni khatna hmang tura an inbuatsaih mek laiin a ni.
In 200 chuang a chhia a, a chhe lo, a chim 650 chuang an awm bawk niin Disaster Risk Reduction & Management Authority chuan an sawi.
Chenna hmun thenkhat chu thlawhna hmang lo chuan tlawhpawh theih rih loh an awm nual niin tual chhung thuneitu pakhatin The Kathmandu Post a hrilh.
Nepali army-in helicopter nen mi zawn leh chhanchhuah hna an thawk mek a. Chhungkaw tam tak chu an in chhuahsan ngaiin an awm a; mahse, awm himna tur leh mamawh lam theihna tur hmun an nei thei dawn em an chiang lo hlawm.
Tui lian hian suspension bridge pawh eng emaw zat a la a, hydroelectric project pawh a tichhia a, an hnathawhna hmanrua pawh tam tak a len bo tih disaster management authority chuan a sawi.
Hmun pakhatah chuan darkar tlem tê chhungin luia tui chim chin hi metre hnih atangin metre 8.5 dawn a kai hman niin thuneitute chuan an sawi.
Mi thiamte chuan August thlaa sabereka khuangkaih thawk aiin a hnawl ken a tein a luang a muang zawk niin an sawi a. Tui len chhan erawh chiang taka hriat theih a la ni lo va, thenkhat chuan lei min lui emaw, a peng emaw a hnawh a, tui nasa taka tling chu a insah thut niin an ring a. Tual chhung mi thenkhat chuan lui hnar lamah vur tawlh a awm niin an sawi bawk.
Budhi Gandaki hi August thlaa chhiatna thlenna lui peng, Trishuli peng lehchhawng zinga mi a ni.
Nepal hi lirnghing, lei min leh tui lian thlengin khuarel chhiatna thlen duhna hmun a ni a, Himalaya tlang dunga awm niin thil thleng tur sawi lawk harsa tak vek a ni bawk.
Mi thiamte chuan sik leh sa inthlak nasain vur khawn a titui chak a, chu chuan chhiatna a tithleng awlsam zual thei niin an ngai.