Aizawl: Land Revenue & Settlement Minister B. Lalchhanzova chuan Ningani khan Thenzawla sorkar hmunhma thawm that leh hmasawnna hna thawh mek hrang hrangte a hmunah a tlawh a, he khaw pawimawh takah hian sorkar hmunhma tha, thianghlim leh felfai tak neih a hlu a ni tih a sawi.
Minister B. Lalchhanzova chuan mikhual, tourist leh VIP-te tana hmunhma tha zawk neih a pawimawh thu sawiin, mipui tana office dawr nuam zawk a awm theih nan leh hunpui leh function pawimawh dawl zo thei tura hma lak a nih thu a sawi.
Hmarchhaka a hmasa ber ni tur Thenzawl Heliport sak mek te, Thenzawl Venglaia SDO (Civil) quarters sak tur leh Kanan Venga pisa sak that mekte a tlawh chhuah zingah hian a tel a, hmasawnna hna thawktute chu rinawm leh thahnemngai taka thawk turin a chah bawk.
Minister hi SDO (Civil) Thenzawl, PWD Building Division-a Engineer leh Architect-te, DIPRO Serchhip leh sorkar official dangten an tawiawm a ni.