Aizawl: Tlawmngai pawl Foundation For Drug-Free Mizoram chuan kum 2019-a pawl anga an indin atangin a vawi 150-na atan fehchhuah rawngbawlna an nei.
Pathianni chawhnu khan The Salvation Army Salem Corps Young People (Y.P), Chhinga Veng te hnenah ruihhlo that lohzia inzirtirna neih a ni a, he hunah hian Resource Person Gloria Lalhmingmawii chuan tleirawlte’n hmachhawp leh hmabak eng tak an neih avangin ruihhlo an tih lohna atanga Pathian malsawmna dawn tur awm chu chharchhuak ngei tura chhel tak a awm turin a fuih bawk.
He hun hi Foundation For Drug-Free Mizoram Adviser Rev. K. Lalpiangthara’n a kaihhruai a, he hunah hian Y.P mi 35-te chuan ruihhlo laka fihlim tlat turin an intiam a ni.