Aizawl: Fur ruahtui nasa tak a sur avangin leh Tlawng lui pump-na jackwell chirhin a hnawhkhat avangin Greater Aizawl Water Supply Scheme (GAWSS) Phase III a harsatna a thleng a, Aizawl khawpui hmar lam (Dawrpui atanga hmar lam zawng) ah tui sem a mumal hlei thei lo.
PHE Department-in an tar lan danin, August 29, 2026 atang khan Tlawng tui pump kawnga harsatna a thlen tak avangin Setlak lui gravity hmanga tui hi pump hram hram a ni a. Amaherawhchu, tun dinhmunah Setlak lui tui hi a kam chhoh zel avangin pump mamawh khawp tui hmuh tur a awm thei tawh lo va, mipui mamawh zat tui pump a nih theih loh phah a ni.
Tlawng tui pump theih a nih leh thuai zawk nan jackwell-a chirh lutte hi PHE department-in an an thian fai mek a. Hemi avang hian mipui mamawh zat tui pump theih a ni lo thin a, hei hian khawpui chhung tui sem a nghawng nasat mek avangin, Aizawl khawpui hmar lamah tui sem a mumal hleithei lo a ni.
PHE department-in hemi kawngah mipuite chu hrethiam hram hram tur leh department tawiawma tui renchem kawnga tan lakpui zel turin an ngen a ni.