Aizawl: October 20, 2026 atanga India Eastern Territory (IET)-a hun hmang, The Salvation Army Kohhrana hotu lu ber General Lyndon Buckingham leh a nupui Commissioner Bronwyn Buckingham (World President of Women’s Ministries) te hun rawn hmanna Territorial Congress 2026 chu Pathianni zan khan a tiak ta.
General te nupa hian an cham chhung hian India Eastern Territory-a Salvationist-te nen Territorial Congress an hmang ho va. Salvation Army hmun pawimawh, Hangi Lunglen Tlang Prayer Mountain-ah tawngtaina hun hmangin, |huampui Corps leh ITI Corps biak in hawnna te an neih pui a; ITI Corps-ah Men’s Fellowship Congress leh Aizawl Temple Corps-ah Women’s Congress te pawh an hman pui a ni.
R. Dengthuama Indoor Stadium-ah Inrinni zan atanga Pathianni thleng khan vantlang inkhawm neih a ni a, General te nupa kaltlangin Pathian thuchah ngaihthlak thin a ni.
He Territorial Congress Inkhawmpui hi sorkar aiawhin Power & Electricity Minister Rodingliana leh MLA Lalmuanpuia Punte ten an chhim bawk.
General Lyndon Buckingham te nupa hian Thawhtanni hian Kolkata-a hun hmang turin Lengpui Airport atangin Mizoram an chhuahsan ang.