Argentina footballer ropui, Diego Maradona chu kum 2020-a a thih chhan chungchanga rorelna chu December 22-ah puan a ni dawn tih kar kal ta Ningani khan court-in a puang a, thla ruk chhung an ngaihtuah a ni.
Football superstar thih dan chungchanga thiam lohna nei nia puh, damdawi in lama thawk mi pasarih thubuai chu kar hmasa khan Maradona fanu leh thubuai neitute thu sawitir an nih hnuin a tawp ta a ni.
Maradona fanu, Dalma Maradona chuan, “Ka pa khan a phu tawk dikna chu a hmuh ngei ka beisei,” tiin tawng khur dar dar chungin a sawi.
Thubuai neitu langsar ber, Maradona doctor Leopoldo Luque chuan, “Ka thiam loh a ni lo,” tiin a la tang hle.
Maradona hi kum 60 mi niin thin tha lo leh thawk buai avangin a thi a. Ruihhlo leh thil dang laka fihlim lo deuh mai hi November 25, 2020 zingah Buenos Aires chhim lam, Tigre-a a chenna ina a khumah thia hmuh a ni.
A thih lai vel hi Covid-19 len lai niin ram pum chu lungngaihnain a tuam a ni.
April thlaa Maradona thihna chungchanga rorelna neih tanah hian thuhretu 70 chuang an inlan a. Thubuai nei mi pasarih zinga paruk chu kum li atanga kum 12 thlenga lung ina khung tura an chungthu ngaihtuah a ni a, Luque-a erawh kum 12 thleng tang thei tura a chungthu ngaihtuah a ni.
December 22-ah chuan thutlukna puang vek tura ngaih a ni.