aIZAWL: ‘Save Tlawng River’ tih thu kenga tun thla ni 20 atanga Lunglei Zoba- wka Tlawng lui hnar atanga ke-a Tlawng lui zawh tan Romalsawma’n tunkar Ningani khan Reiek kai a thleng a, Reiek kai-ah hian Mission Vengthlang Sporting Club huaihawt in a puala hun hman a ni. Niminah a tum hlen turin Tlawng lui hi a zawh chhunzawm.
Reiek kaia a puala hun buatsaihah Roma Hmar chuan Tlawng lui a zawh tawh china a thil hmuh te avang ringawt pawhin Tlawng lui chu humhalh a ṭul takzet niin a sawi a. Tlawng lui chu a rin aia a bawlhhlawh thu sawiin, “Tlawng hi kan tui tlan ber a ni a, kan tui tlan ber pawh kan tibawlhhlawh hle a ni tih a hmun ngeia hmuh chuan rilru a na duh hle” a ti.
Tlawng lui chuan dynamo leh bomb hmangtea beih a tawk ngei a ni tih a mit ngeia a hmuh thu leh pawi a tih thu a sawi a. Luidung a bawlhhlawh hle tih sawiin, plastic lam chi, tawihral ve theilo bawlhhlawh a tam thu a sawi a. Luite-in Tlawng a finna lai te a bawlhhlawh nasa tih sawiin, Tlawng fintu luite atangin Tlawngah bawlhhlawh a luanglut nasa tih a chian thu a sawi.
Lui kal thin te sulhnu bawlhhlawh tak tak a mit ngeia a hmuh thu sawiin, a nghawng tur ngaihtuah lova lui leh a kam vela bawlhhlawh hnutchhiah mai ching an tam tih a lan thu a sawi bawk.
He project-ah hian Roma viltu, mi 3 awm- na team an awm a, an ni hian motor-a vilin, an inpe pawp reng a, Roma hian riahna tura camp an ruahman ban hman loh chang te a nei a, mi thlam leh ramhnuai remchanga riah chang te a nei.
Roma Hmar, Mission Vengthlang hian Mizoram mipui tam tak tui tlan Tlawng lui chu Mizoram leh Assam inrina Bairabi thlenga zawha a dinhmun dik tak hmuh tumin ‘Save Tlawng River’ project hi a kalpui a. A tum a hlen theihna tura tawngtaipui turin mipui a ngen.
Mission Vengthlang Sporting club-a executive committee member, Mission Vength- lang adventure club leader ni bawk Romalsawma puala Reiek kaia hun hman hi Mission Vengthlang Sporting club president Saidingliana Sailo-in a kaihhruai a. Bialtu MLA VL. Zaithanzama, bial- tu councillor Ramthan- zauvi, SE, Aizawl WATSAN Circle Er. H. Duhkima leh Mission Vengthlang YMA president Lalhmingmawia te pawh an tel.
Romalsawma (Roma) hian nikum April khan a thianpa Vanromawia nen Aiz- awl atanga Siaha thleng (km 378) ke-in an lo kal tawh bawk a ni.