India indo lawng pasarihte chu liquid medical oxygen thunkhah sa leh damlote enkawlna atana hman tur bungrua phurkhawm turin Indian Navy-ten an ruahman.
Samudra Setu-II beihpui tia a hming an vuaha indo lawng an hman turte chu Kolkata, Kochi, Talwar, Tabar, Trikand, Jalashwa leh Airavat-te an ni.
A thawh khatna atan INS Kolkata leh INS Talwar te chu a dang zawng ai hian an chhuak hmasa a, nimin khan Bahrain rama Manama lawng chawlhna an thleng tawh.
INS Talwar chu liquid oxygen metric tonne 40 phurin India ram panin a rawn haw mek a, INS Kolkata erawh chu Qatar rama Doha panin a kal mek a, hetah hian damlote enkawlna tur bungrua a phur anga, Kuwait-ah Liquid Oxygen tank phur turin a kal tel bawk ang.
Khawchhak lam pan turin INS Airavat a chhuak a, Singapore-ah liquid oxygen tank a phur dawn a. INS Jalashwa pawh Bangkok panin a kal.