Barcelona in a zawna an mual a match thum an tlawm hnuah hnehna an chang ve leh a. Pathianni zanah 2-1 in Mallorca an hneh.
Memphis Depay chuan Barcelona tan minute 25-naah goal hmahruai a khung a. Second half-ah Sergio Busquets chuan an goal hnihna a khung a. Mallorca tan Antonio Raillo chuan goal khat a khung ve bawk.
Barca tan Depay-a’n tun season-ah La Liga goal 11 a khungna chiah a ni a. Blaugrana hi an club chanchin a vawikhatna atan season khatah an mualah a zawna vawi thum an tlawm avangin Inrinni khan an hmelma Real Madrid in La Liga title an chawi theih phah.
Mallorca an hneh avang erawhin season thar a UEFA Champions League khelpha turin beiseina an la nei lian hle.
Coach Xavi chuan, “Tha taka khel ni lem lo mah ila kan thunun a, kan tan result pawimawh tak a ni.” tiin a sawi zui.