Game 1-ah an chakna ni turin second tlem a la awmin ‘lay up’ a lut lo. Game 1-ah erawh a team khaidingtu ah a tang a. Memphis Grizzlies star Ja Morant chuan 106-101 in Golden State Warriors lakah a team chakpui in Western Conference semi-finals ah 1-1 in an inhnehtawk mek.
Morant hian point 47 a score a, NBA playoffs inkhel a point a score hnem ber tum a ni.
Inkhel tawp lam minute 4 leh second 16 chhungin Morant hlirin Memphis tan point a score a. Hetih chhunga point 15 a score chu an tan hnehna chan nan a tawk.
Inkhel lehlamah NBA champion lai Milwaukee Bucks lakah Boston Celtics an thochhuak a. 109-86 in Celtics an chak.
Game 1 a an offense a chhiat hle hnuah Celtics player-te an harh a. Jaylen Brown chuan hma a hruai.
Point 30 score in first half-ah 25 a thawh a, bul a tan thatpui hle. Jayson Tatum chaun point 19 leh assist vawi 8 a nei a. Grant Williams chuan point 21 a thawh ve bawk.