President Putin tant tawrhhlelhawm ni pha Russia rama hmeichhe band Pussy Riot member Masha Alyokhina chuan a sa him nan an ram a tlanchhatsan.
Putin sawisel a, na tak taka beitu Pussy Riots member te hi pathum an ni a, tunah hian hmun hrang hrangah an tlanchhe tawh. Masha hi tunhma lam pawh khan vawi tam man ni tawhin, Jail bang pawh a zut ngun hle.
A bandmate dang te nan hian kum sawm kalta chhung khan Putin rorelna hnuaia kun duh lovin, hla leh music hmangin an bei na hle thin a ni.
Russia-in Ukraine a run khan Masha hi house arrest-a hren a ni a, thla hmasa khan ni 21 chhung jail bang zut tura chungthu relsak niin, tul lem lo taka Jail run thim belh ai chuan tiin, Russia tlanchhiatsan a tum nghal.
A tlanchhuahna turah hian food courier anga inchei dang lamin, Belarus lam pan a tum zet hman a, mahse a passport hi thuneitute an hrensak vangin kawngdan a ngaihtuah leh a.
Iceland lam mi artist lar Regan Kjartansson chuan Masha hi travel document pawimawh tak tak siamsakin, zalen taka Europe khawmual a luhchhuah theihna tur a siamsak hmangin Russia a chhuahsan a, tunah hian Lithuania khawpui Vilinius-ah a awm mek.
“Engtin chiah nge ka tlanchhiat dan pawh kha ka hrethiam chiah tawh lo.. karhmasa khan ‘magic’ mak tak a lo thleng ni maiin ka hria a, spy novel te pawh a ang mah zawk,” tiin Masha hian a sawi a ni.