KUT THLAK CHING MIPA Tlema han in hauh deuh hlek pawh a, mi hmâ pawha zahna chang hre lo, rem leh rem lo pawh ngaihtuah chuang lova, kut thlak hmang ho lak atanga fimkhur hle tur. Kut a thlak zawh hnu che hun rei lo te chhungah, ‘ka thiam lo a ni, min ngaidam rawh, tunhnu ah ka ti leh tawh ngai lovang,’ tiin a rawn thlem leh ang che. Awih reng reng suh, kut thlak hi a zawngchhang chiang tawh tih hria la, in thiar fihlim tum zawk rawh.
NU LEH PA, U LEH NAU, CHHUNGKHAT LEH THIANTE NGAIH HLUT (NGAIHSAK, NGAIHSAN) NA CHANG HRE LO Zahna, sawichhiat-na, inthlahrun rengna chu, Nu leh pa, u leh nau, chhungkhat leh thiante nena in inkarah dam chhungin i tuar dawn a ni. In ngaihtuah chiang hle ang che.
HNA THAWK THA PEIH LO Khawvel a hna awm zawng zawng hi, hna duhawm lo leh hna harsa lutuka sawi hmang, khawvela hna awm zawng zawng hna tha a ngai lo, hna thawh duh bik leh duh loh bik nei te, hna tlem han thawk se, engemaw sawisel tur zawng nghal mi, hetiang mihring hnen atang hian in thiarfihlim vat ang che.
HARSATNA TAWH APIANGA PUMPELHNA TUR KAWNG ZAWNG THIN Harsatna tawh châng pawh a, mahni ngaituahna hman tum lo, a beidawn thlak zawng ringawta thil ngaih-tuah ching mi, a hmeichhia zawkin a hmahruai ngai chi, hetiang mihringte hnen atangin inveng fimkhur hle ang che.
MITTUI HMANGA MI THLEM HMANG MIPA Min hmangaih luat vanga mittui tih tlak, min then hlauh vanga mittui tih tlak, mipa ho hian, “Hmeichhia te chuan khawngaihna atangin hmangaihna an hrin chhuah tir thin” tih hmeichhe thuruk hi an hre kar thin a, chuvangin mittui tih tlak hmang ho hnen atangin inveng fimkhur hle ang che
TAWNGKAM THIAM LUTUK |awngkam thiam lutuk ho, tawngkam thiam na zawng hi mifing leh thil ngaihna hria an ni chuang lo. |awngkam hmang thiam lutuk ho hi, hmei-chhia-te hian a tlangpui thu in an ring bik a, kan rin ang bawkin ngaihzawng pawh an lo nei teuh thin bawk a ni. Chuvangin a talking that vanga an zuna i uai vaih chuan, i mittui i hru tam ting a ni mai. Fimkhur hle ang che.
HLIMHLAWPNA NGAINA MI/ HUAU HUAU LAWM LUTUK MI Hetiang hlimhlawpna lawm lutuk mi reng reng hi, a tlangpui thu chuan thiante an nei tam a, thil chi hrang hrang an tih kawp thin bawk. An pawisa hman pawh a na duh phian lehnghal a, hmeichhe lamah pawh an zalen duh phian bawk a ni. Fimkhur hle ang che. Mipa zawng zawng ka sawina chu a ni chuang lo.
MI HRISEL LO/ NATNA NEI MI Hei hi chu sawi thiam a har ka ti. Vanduaina thil, an duh vang renga awm anih loh avangin huai takin ka sawi ngam lo. Hetiang mi kan neih chuan, an mahni ah rinna tam tak kan nghat ngam lo anga, kan enkawl leh chawm an ngai bawk anga, an eiin mai ni lo an inenkawlna tur damdawi man thleng kan zawn a ngai dawn bawk ani. Hlim taka hun hman aiin khawngaihna leh lungngaihnaa hun kan hman a tam zawk dawn a ni. Chiang takin ngaihtuah ang che aw…
RUIHTHEIH THIL TIHCHING Heng hi, mi hlauhawm tak tak an ni. Tual thah mai pawh an harsat lemin ka ring lo. A han rui at tawh phei chuan, mahni hmangaih leh nupui pawh hre chang tawh lo, kut thlak mai, neih zawng zawng pawisa tlan chhuah pui mai, chhungkaw hlim taka hun hman tih reng a awm thei dawn lo. An tha leh mai ang tih chu ring reng reng suh. An lo that leh nan, mittui tam tak i sen a ngai a nia. Hlau hliah hliah ang che.
MAHNI NUTE HMANGAIH LUTUK Mahni hringtu nu hmangaih hi, Pathian thu pawh a ni a, mihring mit hmuh pawha thil mawi tak a ni. Mahse, tawng pawng hlauh a mahni nu hlau mi chu, pasal tha an ni ngai lo.