Aizawl : Aizawl West III bialtu MLA VL Zaithanzama’n “Damlo enkawl kawngah Mizo Nurse te tluka ṭha India ramah an awm lo” a ti a. “Doctor ṭha leh hospital changtlung zawk chu nei ila vai ram pan ngai lovin min rawn pan zawk ngei ang” a ti.
Blessino Nursing School, Maubawk, Aizawl te International Nurses Day nimina a hmanpuinaah he thu hi VL Zaithanzama chuan a sawi a. Ni pawimawh tak tak a awm thu leh sorkar pawhin holiday-ah te hial a puan laiin Nurse te ni erawh mipui nawlpuiin an hre manglo nia sawiin, pawi a tih thu a sawi.
VL Zaithanzama chuan Nurse hna chu hna zahawm a nih thu leh mahni mihringpuite enkawl tura inpe an nih avanga an hlut thu a sawi a. “Damloh hian nurse te hlut zia leh pawimawh zia a lang ṭhin” a ti bawk.