Thlahrang nuihzatthlak lam rawngkai film, ‘Bhool Bhulayaa 2’ chu Box office-ah chetha chhunzawm zelin cheng vaibelchhe 100 tawngbuai thuai tura rin a ni ta.
He film hi May 20 khan tlangzarh niin, movie entute lawmah a tla fuh hle a, ni ruk liam hnu thleng paw’n lawmna tur an ngah hle. Kartik Aaryan leh Kiara Adavani te channa hian thawm a nei chhunzawm zel dawn e.
Tun thleng hian cheng vaibelchhe 84.7 hmuhchhuah tawh niin, trade analyst Taran Adarsh chuan ‘Bhool Bhulaiyaa 2’ hi 2022 kuma Bollywood biggest opener-ah a pang.
Tlangzarh ni khan cheng vaibelchhe 14.11 an hmu thei tlat mai a, Askhay Kumar channa ‘Bachhan Paandey’ khan Vbc 13.25 hmuin, Gangubai Kathiawai-i’n opening day kha Vbc 10.50 a hmu ve bawk.