Ni e, fatir a nih phei chuan i khawr dan tur leh zei loh dan tur chu a hrechiang ber tu i ni ngei ang. Nausen piang-hlim enkawl hi a aw-lai lo hle a, thiam thil a ni deuh tlat mai a, uluk leh duat an ngai lehzual hle.
Dai hriat la awm hek lo le, ‘Ka thlauh palh mai anga’ tih te, ‘ka pawm dan a dik lo anga, a thaw te a hah ang a,’ tihte bakah ‘a inhliam palh vaih chuan aw…’ tihte chu hlauh-thawnna langsar zualte an ni. Chuvang chuan, nausen himna leh damna hi ngaihpawimawh a ngai hle tihna a ni a, i khawr deuh anih pawhin i nu leh chhungkaw member dang te puihna i la thei a, nurse te pawhin hahdamna an thlen thei ang che.
Nausen enkawl chungchangah hian doctor te hi a hre ber ber leh thurawn i lakna tur pawh an ni a. A tir lamah hian nausen hi natna neuh neuhin a tlakbuai awlsam vanglai a ni a. Hun hmasa lamah hi chuan a nazawngina an pawm leh enkawl hi remtih loh a tha a, a hmel hmu tura rawn kantu an tam phei chuan i tan leh naute tan a chauh thlak hle ang.
Natna do theihna khâwl (immune system) an la neih chak tâwk loh avangin nausen te hian natna inkaichhawn theih ang chi hi an hmachhawn hmâ bik em em a, naute i pawm leh mutpui hmâ khan i kut kha a thianghliam tâwk tur a ni a, sahbawn tha taka silfai hmasak ngei ngei thin tur.
Nausen hi a la chak lo em em a, a hnungzâng ruh te a la nêm a, spinal cord hi a la thankim chiah loh avangin a lû leh nghawng vawn danah hian fimkhur lehzual a pawimawh hle. I pawmin emaw i mut reng rengin a lû awmdan a dik em, a nghawng a kham thei ang em? tihte hi a hmasa bera i enfiah thin tur thil tul tak a ni nghe nghe.
A mut rei deuhin ngaih a tha lova, an men deuh kar lahin rilru a nuam chiah lo bawk nen, ngaihtuaha pui hi a tam thei em em a, a tah deuh hlekin chau hle mahla, i enkawl leh i vil a ngai reng thova, chhungte tanpuina dawn that a ngai.
A mut rei deuh vanga harh tura i duh khan thin emaw sawi deuh nawk nawk te kha thil tih loh tawp tur a ni a. A infiam laiin emaw engvang pawhin nise, nause i thing thin anih chuan a lû lamah ‘internal bleeding’ a thlen thei a, thih thut theihna rang takin a thlen thei.
Motor i chuanpui anih chuan kawng a tha tawk tur a ni a, kawngchhia leh bumboh te hi nausen tan a him lo hle a, lirthei tam laia chhuah te hi thil tul tawpkhawk anih loh chuan pumpelh tur a ni a, zingkar boruak thawven lai chuh ni se, a duhawm hle.
Nausen buchip mai a la ni a, a taksa ruhrel a la in-duangkim chiah lova, khawih leh pawm chungchangah fimkhur hle tur a ni a, midangin an pawm dawn pawhin chah lawm lawm thin tur a ni bawk. Pawm dawna khai- kan dawrh ang chi te a tha lo hle a, dim te-i’n duat tak ni bawk sia pawm kan tur a ni a, a lû leh nghawng awm dan kha en uluk ang che.