Miss Universe hlui leh actress ni bawk Sushmita Sen (46) chuan pasal neih a tum loh chhan a sawinaah mipate’n an tihbeidawn fo thin vang, a ti.
Twinkle Khana nena ‘The Icons’ show-a an inkawmnaah Sushmita chuan fa atana a lak pahnih Renee leh Alisah Sen tana single mother nih mai chu atan duhthlanna duhawm zawk a nih thu a sawi bawk. A inchhiar lo hle a ni.
“Ka hun kaltawhah te khan mipa beiseiawm tak takte ka hmu nual a, pasal atana ka neih loh chhan chu beidawnna an nih fo thin vang a ni. Ka fate pahnih nen inzawmna engmah a awm lo. Ka fate hian ka nuna lo lang ve tute pawh thinlung takin an ‘welcome’ a, hmangaihna leh zahna an pe thei vek.
Hei tak hi hmuh nuam ka tih em em leh min hneh em em thin chu a ni. Tum thum phei kha chu pasal nei teuh tak ka ni. Pathianin a hun takah min chhanchhuak zel. Engtinnge an (a pasal neih tum hman te) nuna chhiatna lo thlen zui ta tih erawh sawi chi a ni lo.
“Pathianiin min veng thin a, ka fate pahnih thlenga min vensak vangin pasal neih buai hnawk nuaiah lo thleng zui turah ka inthiarfihlim theih pah a ni,” tiin Sushmita hian a thil tawn a sawi bawk.