Aizawl : Nimin khan MNF party thalai Mizo national youth front (MNYF) office bearer te an thukhawm a, kumin December ni 8-ah Mizoram pum huap Mizo national youth front workers meet buatsaih ni se, an ti.
MNF thlalai hruaitute thukhawm chuan furpui kal mekah sorkarin theihtawpin hma a lak avangin ei leh bar lakluh kawngah harsatna a thleng lo nia sawiin, lawmawm an tih thu an sawi a. Chief Minister Zoramthanga kaihhruai sorkara minister leh MLA ten ram tana hna an thawhna kawngah hmingchhiatna nei lovin ram tan theihtawp an chhuah thei zel nia sawiin, chhuanawm an tih thu an sawi bawk.