Manchester United in FC Barcelona atangin Pound maktaduai 63.5 pe phawt a Frenkie de Jong lalut turin inremna nei tawh mahse a insawnna hi a fel thei ang em tih a la hriat loh.
Kum 25 mi Netherlands midfielder lakluhna tifel tur hian United atang club hotu lian pahnihin Barcelona an pan a, Barcelona nen hian a man turah inrem mahse player leh Barcelona in contract chungchanga buaina an neih chu a insawn loh phah thei.
Player leh Barca buaina hi July 1 atanga hman tan De Jong-a contract vang niin an inremnaah hian Covid 19 hrileng kaihhnawih avanga kum hnih chhunga a hlawh tih tlemna chu kum li chhungin Bayern hian pe tla tur an ni a.
Barcelona hian an player hi sum an mamawh avangin a chhuah a ngaih thu an hriattir tawh niin Spain lamah thu a thang a. Mahse De Jong hian heng a hlawh an batsak hi an pek dan tur tih fel a nih hma loh chuan chhuah a tum lova. Camp Nou-ah cham a thlang a nih chuan Barcelona hian an pek tlak ngei a ngai dawn.