Mizoram Football Association Executive Committee chuan kumin a Mizoram Premier League kalpui dan tura ruahmanna awmte a pawm a. Independence Day Football Tournament pawh kuminah khelh a ni dawn a. Inelna hi thuang thum a kalpui a ni dawn.
Tualchhung football season thar atana player transfer & registration chu AIFF calendar zuiin August 31, 2022 thleng hawn a ni.Mizoram Premier League
Season hnih zet hripui leng avanga MPL kalpui theih a nih tawh loh hnuah tun season-ah MPL kalpui ṭan leh turin MFA leh Zonet TV chuan ruahmanna a siam.
MFA chuan MPL kal zel dan tur zir chiangtu study group dinin an rawtna thlente chu a pawm a, season tharah MPL khelh danah kalphung thar thenkhat a awm ang.
MPL Board din a ni a, MPL kalpui dan tur kimchang hi anni kutah hian a awm dâwn a, ruahman lawk ang chuan August thlà tawp lamah emaw, September thlà tir lamah emaw MPL khelh tan a ni ang.Transfer Window
MFA chuan player transfer leh inziah luh hun a siam chu District FA thenkhatte harsatna tawh thlir chung leh Centralised Registration System (CRS) kalpui tan kum a nih bawk avangin August 31, 2022 thleng transfer leh registration tih hun a pawt sei.
He mi chhung hian state chhung leh inter state transfer zawng zawng tihfel vek tur a ni ang. I Day Football
Independence Day Football Tournament hi mipa, hmeichhia leh veteran tán khelh tura ruahman a ni.
Mipa inelna hi Mizoram Premier League club pariat - Aizawl FC, Chanmari FC, Chawnpui FC, Chhinga Veng FC, Electric Veng FC, FC Bethlehem, FC Venghnuai, Mizoram Police FC ten an khel ang.
Mipa inelna hi August 1 atanga khelh tan tura ruahman a ni a, August 15-ah final khelh a ni ang. Women’s I Day Football
Hmeichhe inelna hi invitation tournament-a kalpui tur a ni a, MFA Women's Committee lamin an buaipui ang.
MFA Women's Committee chuan talent zawnna remchang atan hman nghal an tum a, Higher Secondary School thenkhat sawmin he inelna hk kalpui tum a ni.
Hre chiang duh tan Secretary, MFA Women's Committee R. Lalramzauva (9436156858) zawh fiah theih a ni. Veteran I Day Football
Veteran hi kum 40 chung lam inelna tur a ni a, a duh apiang tán tel theih a ni a; July 23, 2022 hmain MFA Office-ah entry fee Rs 1,000 pek tur a ni.
1982-a piang chin an khel thei ang a, inkhelh dan kalphungah playing 11-ah 40+ (1982) mi panga, 45+ (1977) - mi pali leh 50+ (1972) mi pahnih an awm reng tur a ni ang.
Hre chiang duh tan Secretary, MFA Veteran Committee Hmingthansanga (9436146386) zawh theih a ni ang.