Bayern Munich sporting director Hasan Salihamidzic chuan an club in Cristiano Ronaldo, 37, chungchang a ngaihdan an neih a sawi nawn a, Manchester United leh Portugal forward hi lakluh an tum lo. (SPORT1)
Manchester City chuan tun nipuiah Portugal midfielder Bernardo Silva chu Barcelona a hralh tumna an nei lova, kum 27 mi hi Pep Guardiola tan mi pawimawh takah an la ngai. (Sunday Mirror)
Cheslea chuan Paris St-Germain nen France defender Presnel Kimpembe, 26, lalut turin inbiakna an nei mek a, PSG hian a man atan Pound maktaduai 55 vel an beisei laiin Chelsea in Pound maktaduai 40 vel pek an inhuam. (Fabrizio Romano)
Arsenal chuan Manchester City atangin Ukraine left-back Oleksandr Zinchenko, 25, chu Pound maktaduai 30 vela lalut turin inremna an nei tawh a, player contract chungchangah erawh inbiakna a la kal zel. (The Guardian)
Manchester United manager Erik ten Hag chuan an club hotute chu kum 25 mi Dutch midfielder Frenkie de Jong chu Barcelona atangin ngaihven chhunzawm zel turin a ti a, an hnena season bul a tan hman loh pawhin tawp lo turin a hrilh. (The Guardian)
Brentford striker Ivan Toney chuan Newcastle United leh Leeds atang te in ngaihventu a nei a, Manchester United pawh sawi tel an ni. (Sunday Mirror)
Leeds United hian Newcastle United hnenah English winger Jack Harrison, 25, an hralh dawn chuan Pound maktaduai 35 aia tam an phut. (Daily Mail)
AS Roma coach Jose Mourinho chuan free agent ni lai kum 28 mi Argentina striker Paulo Dybala lakluh fel thuai a duh a, a nih loh chuan England midfielder Jesse Lingard ngaihven a duh. (Corriere dello Sport)
Juventus chuan Atletico Madrid atangin an club a loan a kum hnih hmang zo hlim Spain striker Alvaro Morata, 29, chu an ngaihven thar leh. (Calciomercato)