Shillong khawpuia boruak a muanawm leh tan mek laiin Meghalaya Chief Minister Conrad Sangma chuan Pathian khan Sur ki Nong Mawlai (Voice of the People of Mawlai) aiawhte chu Shillong-ah a kawm.
Sur ki Nong Mawlai aiawhte hi tual chhun MDC, hnam hruaitu leh Mawlai-a vantlang huap pawl aiawhte an ni.
Police-in HNLC hruaitu hlui, Cherishterfield Thangkhiew-a an kah hlum duh lohna avangin Shillong-ah hian boruak a tang hman hle a, sorkar chuan curfew a puang zui nghal.
Boruak a daih leh hnuah Shillong-a curfew hi Nilaini atang khan zing dar 5:00 leh tlai dar 4:00 inkar thlahdul leh tan a nih thu East Khasi Hills district thuneitute chuan an puang a. Punkhawm, vantlang inkhawm leh kawngzawh erawh phal a la ni lo.
Thawhtannia Meghalaya cabinet thukhawm chuan Thangkhiew-a thihna chu judicial inquiry tih a nih tur thu an puang.
Nilainia an inkawmnaah hian Chief Minister Sangma chuan Sur Ki Nong Mawlai aiawhte hi judicial inquiry chuan anmahni thu ang veka thil an chhui theihna tura zalenna pek ni se tiin a ngen.
Shillong khawpuia muanna a awm theih nen an pawl leh sorkar chu thawhhopuiah a sawm bawk.
An inkawmnaah hian Deputy Chief Minister Prestone Tynsong leh cabinet minister pahnih, H. Dohling leh R. Tongkhar an tel bawk.