Barcelona chuan kum 23 mi Sevilla leh France defender Jules Kounde chu lakluh an duh a, French defrender hi Chelsea nen sawizawm an ni a, mahse Spanish club in Poland striker Robert Lewandowski an lakluh hnuah an tinzawn. (Marca)
Hetihlai hian Chelsea chuan Kounde hi an umzui thar leh a, Barcelona zawk hian Stamford Bridge atangin Spanish defender pahnih Marcos Alonso, 31, leh Cesar Azpilicueta, 32 te lakluh an duh. (Mirror)
Netherlands international Frenkie de Jong chuan Manchester United emaw English club dang zawm a duh lova, mahse kum 25 mi Barcelona midfielder hian Bundesliga champion Bayern Munich zawm a hreh lo. (Sport)
Tottenham chuan Barcelona leh Netherlands forward Memphis Depay man atan Euro maktaduai 17 sen an inhuam a, mahse kum 28 mi hian Barca chhuahsan a duh loh bakah club lamin Euro maktaduai 20 tal an beisei. (Sport)
Barcelona board chuan Depay hi chhuah a tum nge cham a duh dawn tih sawihovin inbiakna an neihpui. (Fabrizio Romano)
Manchester City chuan Spanish left-back Marc Cucurella, 23, chu Brighton atangin ngawrh zawkin an ngaihven a, Arsenal leh Ukrainian defender Oleksandr Zinchenko, 25, an inhnaih tawh avangin a thlaktu tur an duh. (The Sun)
Manchester United board chuan Villarreal defender Pau Torres chu an tlarhnung a khel tura an duhthlan nimahsela manager Erik ten Hag chuan Lisandro Martinez a duh zawk avangin an thlawp. (Telegraph)
Napoli chuan Chelsea atangin goalkeeper Kepa Arrizabalaga chu loan a hawh dan an dap. (Daily Mail)
Manchester United chuan kum 26 mi Brentford striker Ivan Toney chu an player enthlak zingah an telh thar. (Metro)