AIZAWL: Serchhip district road protection squad-in nimin khan an chairman, Serchhip Ba- wrhsap mawhphurhna la mektu Lalmuansanga Ralte hovin Serchhip khaw chhung kawngpui te an endik tan a, veng pahnih – IOC Veng (main road) leh Field veng te tlawhin, kawngpui neka bungraw dah, tuizem, pangpar, lirthei, hmanrua dang leh thildang dahte chu huntiam chhunga insenghawi turin an hriattir.
Road protectioan squad chuan "Serchhip khawpui thang zelah kawngpui awm ang ang te lirthei tan leh kea kal te tana him kawngpui kan mamawh" tiin, "a theih anga zau kan neih zel theih nan venhim zel a tul" an ti a. Vantlang tana hnawk thama kawngpui nek an awm leh amw loh te, kawng kama dawr leh workshop nei ten kawng an nek nasa lutuk em tih te, lirthei neitu kawngpui kama lirthei dah nghet tlat thin an awm em tih te, an enfiah thin dawn a ni.
Serchhip district road protection squad chairman Lalmuansanga Ralte chuan "kan khua in hma a sawna, a lo mawia, a lo felfai zawk theih nan kawngkama cheng chhung tin te kan pawimawh hle" a ti a. "Vantlang mamawh kan inkalpawhna kawngpuite venhim a nih zel theih nan theihtawp i chhuah tlang ang u" tiin mitin te thawhpuiah a sawm.