Colombian President Gustavo Petro chuan ruihhlo dona kawnga kal dan chu khawvelin ngaihtuah that a tul thu a sawi a, he hmalaknaah hian an hlawhchham tih a sawi.
An rama left-wing hruaitu zinga president ni hmasa ber hian amah lakluhna inkhawmah ‘war on drugs’-ah an hlawhchham tih a sawi.
Colombia-ah hian ruihhlo tawlha sumdawnnain a hrin chhuah, kum tam tak awh tawh tual chhung indona avangin mi tam tak an thi.
Kum 62 mi, Bogota mayor hlui leh hel pawla tel thin hi June thla khan intluktlanna a awm theih nana beih leh oil project thar siam khap a tlangaupui hmangin president atan thlan tlin a ni.
Bogota-a an lak luhnaah Petro chuan amah thlawptute hmaah khawvelin ngaihtuahna thar sena an beih lakah an hlawhchham tih pawl a tul tih a sawi.
“Kum 40 chhungin Latin American maktaduai tel an thi,” a ti a, “North America-ah kum tin overdose vangin mi 70,000 an thi ziah bawk,” a ti.
Pathiannia Bogota lailia hun hmanah amah thlawptu mi 1,00,000 vel pungkhawmah hian Marxist hel pawl hruaitu hi lak luh a ni.
Francia Márquez-a nen sorkar an hruai dawn a, ani hi Colombia-in vice-president atana mihang an neih hmasak ber a ni.
“Ram pahnih ka duh lo va, society pahnih pawh ka duh lo va; Colombia chak leh inpumkhat chauh ka duh a ni,” tiin Petro-a hian lak luh a nih hnuah a sawi tih Reuters news agency chuan a tar lang.
An hruaitu thar hian intluktlanna a awm theih nana beih a tum a, university zirna thlawn, pension siam that leh ram hman tangkai lohva chhiah lak tihtam a tiam.
Kum 50 zet tual chhung buaina a awm hnuah kum 2016 khan inremna siam niin sorkar leh communist guerrilla group, Farc an inrem a, he inremna hi a taka tihhlawhtlin a tiam bawk.
Petro-a an thlang tling hi an ram politics inthlakna tura ngaih niin ram mipui pawhin beiseina a sang hle.