India ramah darkar 24 liam ta chhungin mi 16,167-in coronavirus an kai tih hmuh chhuah leh hman niin mi 4,41,61,899-in an kai ta a, enkawl lai mi 1,35,510 an la awm mek bawk.
Darkar 24 liam ta chhung hian mi 41-in thihpui leh hmanin mi 5,26,730-in an thihpui ta a, heng zinga 15 chu Kerala-in a hmaa thi tawh, an chhinchhiah thar an ni.
Hri kai hmuh chhuah tawh zawng zawng atanga chhutin enkawl lai hi 0.31% an ni mek a, 98.50% erawh enkawl dam tawh an ni tih ministry chuan a sawi.
Darkar 24 liam ta chhungin hri kai enkawl lai hi mi 577-in an pung leh hman a ni.
Darkar 24 liam ta chhunga sample endik zinga 6.14%-in an kai a, chawlhkar khat liam ta chhungin 4.64%-in an kai bawk.