RB Leipzig in Bundesliga season an tanna inkhelah point an hloh a, 1-1 in VFB Stuttgart nen an inhnehtawk.
Mercedes-Benz Arena a Pathianni zana inkhelah Leipzig in goal an khung hmasa a, khung belh theihna huntha vawi engemaw zah an hloh an tuar.
German Super Cup a Bayern Munich laka tlawm RB Leipzig tan 2021/22 Bundesliga player of the season Christopher Nkunku chuan minute 8-naah goal a khung a. Ani bakah Willi Orban leh Dani Olmo ten goal an khung belh teuh. Leipzig hian chance vawi 27 lai an nei.
Minute 31-naah French rawlthar Naouirou Ahamada chuan Stuttgart si phurh a sut.