Boycott NGEI tura ngenna riring mek, ‘Laal Singh Chaddha’ film actor Aamir Khan chuan an naupan laia an chhungkaw leiba ngah em vangin sikul fee a hun taka an pe thei ngai lo, a ti.
Leiba in an chhungkua a delh buai nasat vangin fees an pe thei thin lova, an unau hian naupan lai hun nuam leh hlimawm an hmang lem lo tiin a sawi bawk.
Humans of Bomaby-in interview a buatsaihah Aamir hian a chhungril phawrhchhuakin, a naupan lai nun hrehawm leh an chhungkaw leiba rit tak chu mittui nen a sawi-chhuak.
An naupan laia zirna In an belh chhung zawng khan sikul thuneitute hnen atangin fee pek that loh vanga warning vawi tam an dawng thin a, “Sikul fees kan pek mumal theih loh vangin assembly-ah kan hming meuh lamchhuakin Principal-i’n mi zawng zawngah hriatah a puangchhuak hial nghe nghe,” tiin Aamir Khan hian a sawi.