Manchester United chuan Juventus atangin French midfielder Adrien Rabiot chu lalut turin inbiakna an kalpui a, thuphungin club pahnihte a man turah an inrem tawh.
United hian midfielder thar an dap mek a, an duh ber Frenkie de Jong chu la ngaihven tho mahse Rabiot lakluh hi an duh thova. De Jong an lalut thei lo a nih pawha mi thar rin tur neih an duh a, Netherlands midfielder erawh ngaihven zui zel an la tum tho.
Old Trafford club-ah Rabiot manah hian Pound maktaduai 15 vel an seng dawn a, a club lam hian player biak phalna pe in Rabiot-a nu leh a agent ni bawk Veronique Rabiot leh United te an indawr mek.
Kum 27 mi France international Rabiot hi season liamta khan Massimiliano Allegri starting XI a tel reng nimahsela kum khat chauh contract a nei tawh a. Turin chhuahsan a duh niin an sawi bawk.
Tun nipui a pre-season inbuatsaihna United States-a an neihah mimal thil avangin team a zui lo tawh bawk a. Player tha a ni chungin khelmual pawn lamah sawi a kai ngun avangin United fans thenkhatin an club tan zawm tura an duh loh thu an sawichhuah ve thung.