Hmeichhe tennis star Serena Williams chuan thla 14 chhunga singles inkhela a vawikhatna atan hnehna a chang a. Toronto a National Bank Open first round-ah Nuria Parrizas Diaz hnehin second round a lut.
Kum 40 mi hmeichhe tennis star ropui hian world number 57 lakah hian a vanglaia a ball vuak na leh dik chu lantir leh theiin 6-3 6-4 in hnehna a chang a. Kum 2021 French Open fourth round a a tlawm hnuah chak hmel a la hmu leh lo.
Round dawt lehah hian Olympic gold medallist Belinda Bencic emaw Tereza Martincova te a hmachhawn leh ang.
Hetihlai hian Williams hian Vogue kaltlanga a thuziakah tennis pawn lamah hmalakna tam tak a nei a, chawlh tih tawngkam hi hmang duh lo mahse thildangah a insawrbing chho tan tih a sawi.
“Ka hma a hun lo awm turte hi phur takin ka hmang dawn, mahse a tawp thlen kan hnaih tawh. New York-ah ka hlawhtling ang em ka hre lova, mahse ka theihtawp ka chhuah dawn.” a ti.